قصيده بعنوان اغتصاب

اغتصــــــــــــاب
هم شفتو حمامه امتانيه الصياد يكتله
لو شفتو صكر كض صيدته وحلــه
لوشفتو دجاجه الواوي غازلــــــــــــه
انه المغزل
صفت روحي غزل
روحي بمغازله
وانه الشايف حمامه اشلون صياد السفاله بظلمه جندله
وبكت تتنطره تفرفح تتاني يرد يكمله
وانه الشايف صكر تايه كض بيده الظفيره وماخجل فلــه
وانه الشايف دجاجة بيت تعده الواوي حده وطب منازله
وبده بجلمات معسوله يلمحله
احبج ماانام الليل
وهلي باجر اوديهم يخطبونج
همس كلــــــه
دجاجه وصدكت واوي
ماتدري اشظملـــــه
لحس بوزه....... لحس بوزه
وتدنه اعلى الضفاير بالعجل فلــــه
رسم بوسه اعلى كصته اعلى وجنته اعلى شفته
اعركت طاحت دوت كلــــــه
بعد ماظلم الكمره صحت مادرت شنهي الصار بأوله
لكت بس ريشه امناثر
وماي الخجل غاسله
بجت هاي الدجاجه ولطمت اعلى الخد
جي طاح العنب ياناس من سله

اكو وادم كوه الغيره شايلـــــه
واكو وادم تدينت غيره من مله
واكو وادم هي مرافكه الغيره والغيره مرافكه ظله
واكو وادم تفر الغيره بالمحجال وابعد مدى توصله
واكو وادم تهزه الغيره من عرجه
وتجله بكثر ماجله وتجله بكثر ماجله
منقول